शालू हिरवा पाच नि मरवा वेणि तिपेडी घाला
साजणी बाई येणार साजण माझा
शालू हिरवा पाच नि मरवा वेणि तिपेडी घाला
साजणी बाई येणार साजण माझा
गोर्या भाळी चढवा जाळी नवरत्नांची माला
साजणी बाई येणार साजण माझा

चूलबोळकी इवलीइवली भातुकलीचा खेळ ग
चूलबोळकी इवलीइवली भातुकलीचा खेळ ग
लुटूपुटीच्या संसाराची संपत आली वेळ ग
रेशिमधागे ओढिति मागे व्याकुळ जीव हा झाला
साजणी बाई येणार साजण माझा
गोर्या भाळी चढवा जाळी नवरत्नांची माला
साजणी बाई येणार साजण माझा

सूर गुंफिते सनई येथे झडे चौघडा दारी
सूर गुंफिते सनई येथे झडे चौघडा दारी
वाजत गाजत मिरवत येईल घोड्यावरुनी स्वारी
मी वरमाला घालिन त्याला मुहूर्त जवळी आला
साजणी बाई येणार साजण माझा
गोर्या भाळी चढवा जाळी नवरत्नांची माला
साजणी बाई येणार साजण माझा

मंगलवेळी मंगलकाळी डोळां का ग पाणी
मंगलवेळी मंगलकाळी डोळां का ग पाणी
साजण माझा हा पतिराजा मी तर त्याची राणी
अंगावरल्या शेलारीला बांधिन त्याचा शेला
साजणी बाई येणार साजण माझा
गोर्या भाळी चढवा जाळी नवरत्नांची माला
साजणी बाई येणार साजण माझा