ها يعراق
يعراق ربيت رجال
واحدهم نشمي وخيال
اسباع بالصعبه ابطال
للموت حبك ميهون
ولادك عندك يوفون
اروح لاجلك ينطون
كلنه نروحلك فدوه
احنه بدونك شنسوه
فوگ وماصرت جوه
يا عراق انت والدنه
يلي بخيرك كبرنه
خيرك كله غرگنه
ها يعراق
من اربيل للبصرة اخوان
اليگول نزعل غلطان
منخاف من اي انسان
وياك ولدك للموت
بالزود عالصعبه نفوت
اسباع ونصيح بصوت
جيشك وي حشد الشعبي
مسيح ومسلم وصبي
منو بخيرك ممتربي
عرب واكراد بالشده
صارو ايد الك وحدة
حگنه الضايع نرده

ها يعراق
بالزود بيشمرگة تصول
منعوف العراق تگول
يعراق خلفت فحول
منعوف گاعك والله
اليعيل نگطع يمناه
مايوم فضلك ننساه
محد يرصل الحدك
لان خدام الك ولدك
الخايف يختل بسدك
الموصل باچر نطبها
والله الدنيا نگلبها
يخسى الي يگول نغصبها

ها يعراق
تكريت طبوها سباع
وبزود حررنا الگاع
يعراق تعبك ماضاع
نصير بيديك سيوف
بالجبهة مانعرف خوف
يعراق زودك معروف
لو تنخانه سامره
تجيها تركض البصره
تبقه تربتك حرة
هوه اصليه خوتنه
ابد ما تنصه رايتنه
امخوفه الدنيا لمتنه