Ako’y Pilipino, tubo sa Silangang
Katalik twina ng sikat ng araw;
Sa dibdib ng aking sinisintang bayan,

Dito ko rin ibig na ako’y pumanaw.

Ako’y Pilipino, lahing kayumanggi,
May sariling wika’t ugaling sarili;
Watawat ko’y sigaw ng pagkabayaning
Didiwaing lagi ng pagsasarili.

Ako’y Pilipino, may pambansang awit
Sa tagulaylay kong laging dinadalit;
Sa kasaysayan ko, kundima’y pag-ibig;
Sa likas na ganda’t katutubong bait,
Isang kaluluwang biyaya ng langit.

Ako’y Pilipino kayumanggi ako