पांडुरंगकांती दिव्य तेज झळकती
रत्नकीळ फांकती प्रभा
पांडुरंगकांती दिव्य तेज झळकती
रत्नकीळ फांकती प्रभा
अगणित लावण्य तेजःपुंजाळले
नवर्णवे तेथींची शोभा
कानडा हो विठ्ठलु कर्नाटकु
कानडा हो विठ्ठलु कर्नाटकु
येणे मज लावियला वेधु
खोळ बुंथी घेऊनि
खुणाची पालवी
आळविल्या नेदी सादु
कानडा हो विठ्ठलु कर्नाटकु
येणे मज लावियला वेधु

शब्देंविण संवादु
दुजेंवीण अनुवादु
शब्देंविण संवादु
दुजेंवीण अनुवादु
हें तंव कैसेंनि गमे
परेहि परतें बोलणें खुंटले
वैखरी कैसेंनि सांगें
वैखरी कैसेंनि सांगें
कानडा हो विठ्ठलु कर्नाटकु
कानडा हो विठ्ठलु कर्नाटकु
येणे मज लावियला वेधु

पाया पडूं गेलें तंव
पाउलचि न दिसे
पाया पडूं गेलें तंव
पाउलचि न दिसे
उभाचि स्वयंभु असे
समोर कीं पाठिमोरा न कळे
समोर कीं पाठिमोरा न कळे
ठकचि पडिलें कैसें
कानडा हो विठ्ठलु कर्नाटकु
कानडा हो विठ्ठलु कर्नाटकु
येणे मज लावियला वेधु

क्षेमालागी जीव उतावीळ माझा
क्षेमालागी जीव उतावीळ माझा
म्हणवूनि स्फुरतातीबा हो
क्षेम देऊं गेलें तंव मीचि मी एकली
क्षेम देऊं गेलें तंव मीचि मी एकली
आसावला जीव राहो
कानडा हो विठ्ठलु कर्नाटकु
कानडा हो विठ्ठलु कर्नाटकु
येणे मज लावियला वेधु

बापरखमादेवीवरू हृदयीचा जाणुनी
बापरखमादेवीवरू हृदयीचा जाणुनी
अनुभवु सौरसु केला दृष्टीचा डोळा पाहों गेलें
तंव भीतरीं पालटु झाला
तंव भीतरीं पालटु झाला
कानडा हो विठ्ठलु कर्नाटकु
कानडा हो विठ्ठलु कर्नाटकु
येणे मज लावियला वेधु